Ordinary Thoughts

Una nang ideneklara ng Commission on Higher Education (CHED) na suspendido na muna ang pasukan sa kolehiyo ngayong linggo dahil sa umanoy banta ng A (H1N1). Ibig sabihin, June 15 pa talaga magbubukas ang klase para sa college students (sana naman hindi na nila isususpend for the second time kasi baka ma-extend na naman ang pasukan at pati graduation maging May na rin. Haiz, wag mo naman ipahintulot Lord please.)

Anyway, kahit na meron na ngang announcement ang CHED, I decided na pumunta pa rin sa eskwelahan to see for myself. Akalain mong hindi ininda ng mga katulad kong mag-aaral ang deklarasyon ng CHED. Siksikan pa rin sa gate ng university sa sobrang dami ng estudyanteng pumasok sa mismong araw. At least confident naman akong pumasok sa school kahit walang pasok kasi di lang naman ako ang matigas ang ulo. Marami kami kaya ang saya-saya.

Alas siete ng umaga ang first subject ko pero dumating ako ng alas siete y medya. Syempre feeling ko naman walang guro na magpapakita so ok lang na late muna sa ngayon. At gaya ng inaasahan, wala ni anino ng titser namin. Pero andun ang ilan sa mga klasmeyts ko. Para naman super tagal naming di nagkita at sobra kung magkamustahan. Oo nga't bakasyon. Eh ano ngayon, isang buwan din naman kaming magkasama sa iisang bahay for our internship. So ayon, matapos ang kamustahan at plastikan, haha, nagdesisyon kaming pagtripan ang mga bagong mukha sa unibersidad namin.

Magtanong kaba naman kung nasaan ang College of Arts and Sciences na building eh andun na mismo kami sa gusali. In fairness, maayos naman kaming sinagot ng mga inosenteng freshmen na ang CAS building pala ay ang mismong gusaling kinatatayuan namin. "Really? Thank you miss ha..." may mga ganun pang drama after mambiktima.

Patuloy kaming naglakad-lakad at habang padaan-daan lang kami sa mga lounges, eto naman ang trip namin. "Miss asa dapit ng TBA nga room?" (Miss san ba dito yung TBA na room?) o ayan with free translation pa yan ha. Todo pigil naman ang mga tinanong namin na magpigil sa pagtawa at sinagot kami ng maayos. "To be arranged paman ng TBA sir." (To be arranged pa po yung TBA sir). Meaning wala pa raw silid para dito.

"Di ba andun yung mga kursong Accountancy at Business Administration?" tanong ko ulit in our dialect.

Baka CBA po yung ibig nyong sabihin hindi TBA? sagot nya.

"Ha? Eh ano ba yung CBA miss tsaka how does it differ sa TBA?" tanga-tangahan ko namang tinuran sa kanya.

"College of Business and Accountancy po kasi yung CBA kaya andun yung sinasabi nyong mga kurso habang yung TBA naman eh to be arranged pa ang ibig sabihin." sagot niya na halatang nakukulitan na kasi kanina pa panay ang tingin sa kasama niya na atat na atat ng umalis pero di naman ako maiwan kasi nga "wala pa daw kasi akong alam".

Sa huli naman eh tinuro nya sa akin kung san yung CBA. Salamat miss. Kung nagbabasa ka ng post na to, sorry na talaga. Eh apat na taon na ako sa unibersidad na ito kaya alam ko lahat ng pasikot-sikot. Trip lang talaga namin kaya pasensya na.

Marami-rami din ang nabiktima namin bago kami nakaramdam ng gutom. Hahaha. Mukhang nakarma ang mga gago. So we decided to go out na nga sa school at nang makakain.

Pagdating namin ng gate, anak ng tipaklong, kumpulan na naman ang mga students kasi nga may instruction daw na di na muna palalabasin ang mga mag-aaral. Huh? Baket kaya? Eh unang una, wala namang pasok ngayon!? Hay na bad trip tuloy kami.

Sa ngayon ay kasalukuyan pa naming inaalam...oopps wait a minute...kapapasok lang na balita...pinahintulutan na umanong lumabas ang mga students. Hehe