Ordinary Thoughts

Bilang isang mamamayang Pilipino
Nakikiisa ako sa pagdiriwang
Ng ating ika-isandaan at labing isang taong
Anibersaryo ng kalayaan

Kalayaang matapang na ipinaglaban
Ng sampu ng ating mga bayani
Silang ating pinagkakautangan
Ng kalayaang ngayon ay tinatamasa

Subalit sa paglipas ng panahon
Matapos ang labing isang dekada
Ano na ang kinahinatnan
Ng kanilang ipinaglaban?

Nasaan na nga ba tayo ngayon?
Ang iba'y inaabuso ang taglay na kalayaan
Mayroon namang tila walang silbi ang kalayaan
Na hanggang ngayoy naninirahan pa rin sa dilim

Lumabas at pagmasdan ang lansangan?
Dito sa amin payapa naman
Tila walang dapat ipagsaya
Lahat may sariling mundo

Napansin kong marami ang ngayoy nakangiti
Marahil natutuwa dahil walang pasok sa opisina
O kaya naman ay doble ang sahod
Ang iba naman di alam kung bakit walang pasok

Naway kahit isang araw lamang kaibigan
Gumawa ng bagay na makabayan
Kahit paglalagay lamang ng munti nating watawat
At namnamin ang kahulugan ng ating kalayaan